भारतमा फसेका नेपालीको घरमा रुवावासी, भारती पक्ष सहमत नभएपछि स्वदेश फिर्तामा ढिलाई !!

भारत विहारको नन्कार स्थित क्वाइन्टाइनमा रहेका नेपालीहरु

भारतीय क्वाइन्टाइनमा रहेका नेपाली नागरिकलाई भारतीय पक्ष बिच सहमति नभएको भन्दै स्थानिय सरकारले स्वदेश फिर्तामा ढिलाई गरेपछि भारतमा फसेका नेपालीहरुको घरमा रुवावासी सुरु भएको छ। भारत विहारको नन्कार स्थित क्वाइन्टाइनमा पुरानो मानिसहरु र नयाँ आएका मानिसहरुलाई एकै ठाउँमा राख्ने गरेकाले कोरोना भाईरसका सक्रमणको जोखिम बढेको भन्दै स्थानियवासीहरुले आपत्ति जनाउदै छोरामा कोरोना भाईरको जोखिम बढी छोरा घर फिर्ता आउछ कि आउदैन भने भयले गोडैता नगरपालिका वार्ड न. २ जयपुरका चार वटा घरमा रुवावासी सुरु भएको छ।

हामीहरु आफनो सन्तानलाइ भारतमा रहेको क्वाइन्टाइनमा कोरोनाको सक्रमण तथा मर्न छोडन सक्दिन, छोरोको ज्यान रक्षाको लागि हामीहरु जस्तो सुकै मूल्य चुकाउन तयार रहेको भारतीय क्वाइन्टाइनमा छोरा फसेका आमा गायत्री देवीले रुदै दुख पोखिन। निगरानी टुडेसंग कुराकानी गर्दै. छोरा भारतमा फसेको दिनदेखि नै पेटभरी खाना समेत नरुचेको बताउनुभयो। गरिब तथा साहुका ऋणका कारण विगत दुई वर्षदेखि छोरा भारतमा दिल्ली स्थित एक कारखानामा कार्यरत रहेको बताईन।

चर्काे ऋणका कारण छोरा होली जस्तो पर्वमा समेत घरमा आउन नसकेका बताउदै दुई वर्षदेखि छोराको अनुहार हेर्न लालयित भएको बताउनुभयो। पाँच सात दिन लगाएर दिल्लीबाट बोर्डरसम्म पुगेको छोराको हातमा एक सुकी रुपया नभएको कुराले थप हामीलाई चिन्तित बनाएको छ। छोरालाई छिटो भन्दा छिटो स्वदेश फर्काउन एक आमाले सम्बन्धित निकायसंग माग गरेको बताईन। यो कथा एउटा आमाको मात्र भने होइन, हजारौ नेपाली आमाको हो, जसले स्वदेश छोरा फर्कनको प्रतिक्षामा पेटभरी खाना र रातभरी सुत्न पाएका छैन।

स्थानिय सरकारले भारतीय सुरक्षाकर्मीसंग समन्वय गरेर भारतको बोर्डर छेउमा फसेका नेपालीहरुलाई स्वदेशमा ल्याएर नै नेपालमा रहेको क्वान्टाइनमा राख्न अभिभावकहरुले माग गरेका छन। भारतीय क्वाइन्टाइनमा रहेका नेपालीहरु भारतीय प्रशासनको चरम लापवाहीका कारण स्वास्थकर्मी विहिन क्वाइन्टाइनको एउटै कोठामा बस्न बाध्य रहेका छन। नयाँ तथा पुरानो सबै मानिसहरुलाई एउटै ठाउँमा राखेपछि कोरोना सक्रमण बढन सक्ने भन्दै नेपाल सरकारसंग सहयोगका लागि गुहार मागेको छन। करिब दस बारह दिनको बसाईमा एक दिन पनि हामीहरुको स्वास्थ परिक्षण नगरिएको इनरजित महतोले बताए।

भारतबाट आउदै गरेको दस बारह जनाको नेपालीहरुको टिमलाई मधुवनी दसगजा क्षेत्रमा सिमा सुरक्षा बलले नेपालमा प्रवेश निषेध भएको भन्दै भारतीय सुरक्षाकर्मीलाई जिम्मा लगाएको थियो। भारत स्थित नन्कार क्वाइन्टाइनमा कुनै किसिमको सुरक्षा सामग्री तथा स्वास्थकर्मी नभएको हाल क्वाइन्टाइनमा बसेको बलरा नगरपालिका मिठुवा निवासी योगजित महतोले बताए। भारतीय प्रशासनले हामीसंगै नयाँ आएका नागरिकहरुलाई एउटै कोठामा कोचेर राख्न थालेपछि हामीहरुलाई थप चिन्तित बनाएको गोडैता नगरपालिका वार्ड न. २ जयपुर निवासी हरिन्द्र महतोले बताए।

भारतीय सुरक्षाकर्मीले भारतबाट आएका नेपालीहरुलाई नेपालमै जान आग्रह गरेपनि भारतबाट आएका नेपालीहरुलाई नेपालमा प्रवेश निषेध भएको भन्दै सिमा सुरक्षा बलले बलजफती भारतीय सुरक्षाकर्मीको जिम्मा लगाउने गरेको सोही ठाउँ निवासी धरबेश महतोले बताए। पैसा अभावका कारण हामीहरु पेटभरी खाना खान नपाएको बताउदै नेपालमा आउन खोज्दा नेपाली सुरक्षाकर्मीले भारतको जिम्मा लगाएपछि हामीहरु थप भयभित भएको बताउनुभयो। हामीहरुलाई नेपालमै रहेको क्वाइन्टाइनमा राख्न नेपाल सरकारसंग अनुरोध गर्दै महतोको आँखा रसाएको थियो। हामीहरु भारतमा आफू असुरक्षित महसुस गरिरहेको बताउदै हामीहरुलाई नेपालमा रहेको क्वाइन्टाइनमा राख्न सामुहिक रुपमा सम्बन्धित निकायसंग अनुरोध गर्न चाहेको बताए।

गोडैता नगरपालिकाको मेयर देवेन्द्र यादव दोहरो चरित्रको व्यक्ति भएको स्थानियवासीहरुले आरोप लगाएका छन। रेडियो मलंगवामा कोरोना भाईरस सम्बन्धि कार्यक्रममा भारतमा फसेका गोडेता नगरपालिकाका सबै नागरिकलाई जिल्लासंग समन्वय गरेर उद्वार गरिने बताएपनि हामीहरु मेयर यादवको घरमा छोराको उद्वारको निमित्त पुग्दा विभिन्न किसिमको बहाना बनाई कुरा टाल टुल गरेको बताउनुभयो। तपाईहरु प्रमुख जिल्ला अधिकारीलाई भन्नु उहाँले हामीलाई भन्यो भने हामी उद्वार गरिने प्रक्रियालाई अघि बढाउछौं मेयर यादवले बताएको गोडैता नगरपालिका वार्ड नं २ निवासी राजदेव महतोले बताउनुभयो। भारतमा फसेको नेपालीहरुलाई ल्याउन कुनै पनि एम्बुलेन्सले मानिरहेका छैन। यदि ल्याउने प्रक्रिया सम्भव भएपनि तपाईहरु आफन्तहरुलाई नन्कारबाट कसरी ल्याउने यो तपाईहरुको जिम्मेवारी भएको मेयर यादवले बताएको सोही ठाउँ निवासी राजबलम मुखियाले बताउनुभयो।

नागरिक अदान प्रदानका लागि भारतीय पक्ष सहमत नभएको गोडैता नगरपालिकाको मेयर देवेन्द्र यादवले बताउनुभयो। हामीहरु सुरक्षाकर्मी छौं, नागरिक अदान प्रदानको कुरा विदेश मन्त्रालय तथा सम्बन्धित क्लेक्टरको भएको भारतीय सुरक्षाकर्मीले जवाफ फर्काएको मेयर यादवले बताए। यदि तपाईलाई आफनो नागरिकलाई स्वदेश फिर्ता गराउनु छ, भने भारतीय मन्त्रालय अथवा क्लेक्टरको अनुमति ल्याउनुस, त्यस पश्चत्ताप हामी नेपाली नागरिक छोडिन, तयार रहेको मेयर यादवले बताए।

नेपाली नागरीक फर्काउन पटक पटक कुराकानी गरेको पनि भारतीय अधिकारीबाट कुनै जवाफ नआएको प्रमुख जिल्ला अधिकारी मोहन बहादुर जिसिले बताउनुभयो। क्वारेन्टाइनमा बसेका नेपालीहरुलाई हामी लिन्छौ, भारतबाट पठाइ दिनु प¥यो भन्दा पनि भारतीय अधिकारीहरुले कुनै प्रकारको सकरात्क प्रतिकृया नदिएको बताउदै नेपाली नागरिक फिर्ताका लागि हामी निरन्तर प्रयासरत रहेको तथा कानुनी प्रक्रिया पुरा गरेर भारतीय क्वारेन्टाइनमा रहेका नेपाली नागरिकलाई स्वदेश ल्याउइने प्रजिअ मोहन बहादुर जिसिले बताउनुभयो। भोली उनिहरुको १४ दिन पुगि हाल्छ, त्यसैले बिहिवार सबैलाई उद्वार गरी स्वदेश फिर्ताको लागि पहल गरिने गोडैता नगरपालिका वार्ड न.२ का वडाअध्यक्ष भोला महतोले बताउनुभयो।